Mout ney to nahi zindagi ney bohat sataya hai
Tujhay jitna bholay tu utna hi yad aya hai
Tu kiun is baat ko aksar bhool jata hai
Bars’on minat’on key bad tujhay paya hai
Is dil mein koi aur is liye nahi rehta
Key meray dil pey tera saya hai
Mein tujhay kia baton ‘Gul’ key
Mein ney tujhay kho ker kiya khoya hai
Zindagi wafa na karay is ka gham nahi
Tu mujh sey bichar gaya ye bhi to kam nahi
Meri maa kaha kerti thi tu bohat bahadur hai
Is liye aaj meri aankh pur-nam nahi
Mein ney koshish to bohat ki lekin
Tujhay bhol jana bhi kisi mojzey sey kam nahi
‘GUL’ is liye bhi udas rehra hai
Meray hisay ki khoshi’yan gam’on sey kam nahi
Tum na mujhay kabhi chor ker jana
Is dil-e-bemar ko zamana choney ka gham nahi
Meri zindagi pe na muskura, Mujhy zindagi ka alam nahi’n. .
Jisay tery ghum se ho waasta, Wo khizaa’n bahaar se kam nahi’n. . !
Muthi’on mein khaak lay kar dost aaye wakt-e-dafan
Zindagi bhar ki muhabbat ka sila dainay lagay. . !
Kitab E Zindagi main mainay
Kuch Rangh bharay thay Khuwabon Ke
Magar !
Na janay kaisi hawa chali k
Auraaq ulat’tay gay …. Aur
Fikr k haashaiy khinchtay hi chalay gay
Woh Alfaz …….
Jo khushi ka ehsas ban kar mehaknay lagtay thay
Un main say kuch !
Dhundhlay ho chalay
Aur kuch mit chalay
Ab qalam bhi saath nahi deta
K phir say wahi likhawat ho
K phir say wahi Sajhawat ho
lagta hay !
Ab to yeh sitrain sada khali hi rahain gi !
Muhammad Ismail
Usay itna bata dena kisi ki zindagi tum thay,
Usay yeh bhi bta dena bil-aakhir mar geya koi…
Kaho kese guzarti hai,
Tumhari zindagi, paagal,
Suna hai, ab to eid’en bhi,
Woh pehli si nahin karty,
Kisi ke ghar nahin jatey,
Kisi se bhi nahin miltey,
Kisi ki ek nahin suntey,
Kisi se kuch nahin kehtey,
Na koi gift lete ho,
Na koi gift dete ho,
Kabhi khul kar na hanstey ho,
Kabhi khul kar na rotey ho,
Bohat bekal bohat upset,
Bohat bechain hotey ho,
Suna hai chaand raton mein,
Bohat be’mood dikhtey ho,
Woh kaghaz phaarr dete ho,
Kisi ke wastey jin per,
Bohat se sher likhtey ho,
Na jeetey ho na martey ho,
Suno yeh zindagi pagal,
Bassar kis tarah kartey ho,
Kaho, kesi guzarti hai?
Guzr hum ne yun zindagi ki hai,
Har qadam hum ne aashiqi ki hai..
Mat pukaaro humain zindagi dekh kar,
Aankh bhar ati hai ab khushi dekh kar,
Dekh le, ik samandar sa main ho geya,
Teri aankhon mein thori nammi dekh kar,
Jis ko chehron ke behroop se bair* tha,
Hanss raha hai meri saadgi dekh kar,
Dard ki shamaa jalti huyi bujh gayi,
Koi aaya nahin roshni dekh kar,
Barhaaa mujh ko Arshad tere haal par,
Reham aaya bohat bebassi dekh kar..
(bair;oppose)
Sirf zinda rehne ko zindagi nahin kehte,
Kuch gham-e-mohabbat ho, kuch gham jahaan ka ho..