Ye ishq na hisab’on mein hai
Na kitab’on mein hai
Ye to bas lajawab’on mein hai
Ye tan mein sota hai aur
Jagta khuwab’on mein hai
Is ka maza na
Sahbab’on mein hai
Na sharab’on mein hai
Is ishq ka thikana na
Shehar’on mein hai na makan’on mein hai
Ye to bas medan’on hi medan’on mein hai
Is ka shumar aur kahan kahan karo gey ‘Gul’
Ye to bas sawab’on hi sawab’on mein hai
Jigar jala deta hai ye ishq
Ghum barha deta hai ye ishq
Kabhi kabhi aisa bhi hota hai
Pagal bana deta hai ye ishq
Bikher jaty hain sehra mein taza phool
Umeedain mita deta hai ye ishq
Ujarr jaty hain aabad gharanay
Aisa barbaad karta hai ye ishq
Ik awaara mizaaj ko bhi
Qaidi bana deta hai ye ishq
Jis ne kiya wohi janta hai ‘Gul’
Kia se kia bana deta hai ye ishq.
Dayar e ishq me aa kar humien badnaam hona tha,
Chalo jo bhi howa akhir tumhara naam hona tha,
Wo jis ka aks dekha tha gulabon ki jabeenon par,
Usey shehar e mohhabbat me kahien gumnaam hona tha,
Tumhari be rukhi ney hi mujhey shayer banaya hai,
Tumhara naam to khud bhi jahan me aam hona tha,
Sabhi sard o ghum jheeley akeli jan par hum ney,
Tumhari soch ko kiyon kar btao khaam hona tha,
Chali hai bat mehfil me tumhari bewafai ki,
Humari chashm e num ko to chalakta jaam hona tha,
Shakeela us ko khushiyon ki naveed e sehar deni thi,
Usi padash me hum ko sarapa e sham hona tha.
Shakeela Azam
Tanhaiyon me muskurana ishq hai,
Ek baat ko sab se chupana ishq hai,
Yun to neend nahi aati hamein raat bhar,
Magar sote sote jagna aur jagte jagte sona ishq hai../
Aye kash kabhi aisa hota
K do dil hote senay mein
Aik toot bhi jata ishq mein to
Takleef na hoti jeenay mein
Ishq mein bad khawaas ho jese,
Koi baadal ke pas ho jese,
Naam kesa zubaan pe aaya hai,
Mudatton ki pyaas ho jese,
Tujh sabaa se kalaam karta hoon,
Tu haqeeqat mein paas ho jese,
Katt rahi hai kuch is tarah Arshad,
Damm nikalney ki aas ho jese..
Teri Nigahon Ke Yoon Hi Kayal The Hum
Kya Jaroorat Thi Aajmane Ki
Yoon Hi Behosh Pade Hai Teri Rahon Main
Kya Jaroorat Thi Alag Se Muskurane Ki…
Ishq kesa ke bharosa bhi nahin tha shayed,
Us ne mera koi rishta bhi nahin tha shayed,
Halqat-e-yaar main jis haar ke charchey hain bohat,
Main woh baazi kabhi khelaa bhi nahin tha shayed,
Zeest karne ke sab adaab usey azbar they,
Mujh ko marney ka saleeqa bhi nahin tha shayed,
Khaak urratey huye bazaron mein dekha sab ne,
Main kabhi ghar se nikla bhi nahin tha shayed,
Us ki ankhon mein bashaarat thi naye khawbon ki,
Main usey dekh ke chonka bhi nahin tha shayed,
Aik baadal ke mere naam se mansoob hua,
Mere sehraa main to barsaa bhi nahin tha shayed..
Iftikhar Arif
Ishq Aisa Karo Ki Dharkan Mein Bas Jaye,
Saans Bhi Lo To Khushboo Usi Ki Aye,
Pyaar Ka Nasha Aankhon Pe Cha Jaye,
Baat Kuch Bhi Na Ho Par Naam Usi Ka Aye…
Tujhe Ishq Ho Khuda Kare
Koi Tujh Ko Usse Juda Kare
Tere Lub Hansna Bhool Jaen
Or Teri Aankh Purnam Raha Kare
Usse Dekh Ke Tu Ruk Pare
Or Woh Nazar Jhuka Ke Chala Kare
Tujhe Hijr Ki Woh Jhari Lage
Tu Millan Ki Har Pal Dua Kare
Tere Khuwab Bikhrain Tooot Kar
Use Kirchi Kirchi Chuna Kare
Tu Nagar Nagar Phira Kare
Tu Galli Gallli Sada Kare
Tujhe Ishq Ho Phir Yaqeen Ho
Use Tasbeehon Pe Parha Kare
Main Kahoon Ke Ishq Dhong Hai
Or Tu Nahin Nahin Kaha Kare