UrDuXone.c0m

Bas ek waraq me’n poora payaam lik’khengay

jo khat likhengay to pehlay salaam lik’khengay

likhengay kaisay guzartay hae’n meray din jaana’n

teray beghaer jo guzrii wo shaam lik’khengay

taweel raato’n ki tanhaaiyo’n nay jo bakhshay

har ek zakhm wo hum naa-tamaam lik’khengay

hua tha tumsay hi aaghaaz is kahaani ka

tumhi pay khatm huii daastaan lik’khengay

jahaa’n bhi zikr chhidegaa tera kahaani me’n

tumhey mumtaz khud ko shahjahaan lik’khengay

milengay tumsay to saaray giley bhula dengay

teri hatheli par hum apna naam lik’khengay

Tumhey baate’n badalnaa aa gaya hae

Mujhey bhii ab behelnaa aa gaya hae

mai’n ab to paa hi loonga apni manzil

mujhey gir kar sambhalna aa gaya hae

wo dekho shaam phir ye keh rahii hae

mujhey sooraj nigalnaa aa gaya hae

wo ab to bhar hi legaa ghar me’n daulat

usay sach ko kuchalnaa aa gaya hae Read More…

aaya dekho to kya zamana hai

qaom andhi hai , shaah kana hai

ek taraf dil hai ek taraf duniya

mujhko dono se hi nibhana hai

haal-e-dil sunke wo mera bole

ye to qissa bada purana hai

chaahe mushkil hazaarhaa aaye’n

mujhko hargiz na sar jhukana hai

maot ke dar se chup na baithunga

sach ka parcham mujhe uthana hai

zindagi jis khuda ne bakshi hai

ek din muh use dikhana hai

ab to ye kar liya hai tae Ashhar

usko apna mujhe banana hai

ibn-e-mariyam hua kare koii

mere aa’nsu piya kare koii

usko chaha to khud ko bhool gaya

mujh sa aashiq bana kare koii

kitna tanha hu’n mai kahu’n kis se

mere gham bhi suna kare koii

ab to khwaahish hai bas yahi meri

mujhko mujh se judaa kare koii

jisko chaaha wo be-wafa nikla

kya kisi se wafa kare koii

ab to apne hi jaa’n ke dushman hai’n

ghaer se kya gilaa kare koii

tu agar ghaer ka nahi hota

mai bhi tujhse juda nahi hota

jaane kab ka mai mit gaya hota

sath gar wo khuda nahi hota

uski sangat ka hai asar warna

mai bhi itna bura nahi hota

mai bhi usko na chhorta tanha

wo agar be-wafa nahi hota

ek koshish mai aor karta haa’n

ab magar haosla nahi hota

kyo’n hai itna aman sukoon yaha’n

kyo’n koi haadsa nahi hota

kal jo raja tha aaj pyaada hai

waqt sab ek sa nahi hota

jiski neeyat me khot ho Ashhar

shakhs wo paarsaa nahi hota

khudsar hue kuchh itne ki bebaak ho gaye

bachche hamare ahad ke chalaak ho gaye

dekha jo aaj yaar ko pehlu me ghaer ke

aise jale wo jal ke wahi’n khaak ho gaye

toofan ki aahat pe jo kal khaofzada the

himmat jutaayi thodi to taeraak ho gaye
Read More…

Dil me’n gham-e-hayaat ka daftar liye hue

sab ro rahe hai’n apna muqaddar liye hue

ghaero’n se apne ghar ki hifaazat to ki magar

apne khade hai’n haath me pat’thar liye hue

gho’npa tha ik azeez ne jo peeth me’n meri

dar-dar bhatak raha hu’n wo khanjar liye hue

sabki salaamti ki dua , pyaar be-shumaar

phirte hai’n jholiyo’n me’n qalandar liye hue

uska madaariyo’n se milega nasab zuroor

milta hai mehfilo’n me’n wo bandar liye hue

haa’n ab bhi intezaar me’n uske hi gum hu’n mai

aa’nkho’n me’n aa’nsuo’n ka samandar liye hue

tasveer ek but ki magar haa’n wo khoob hai

jo ghoomta hai haath me’n Ashhar liye hue

Mujhe apne barbad
Hone ka gum nahi,
Teri barbadi ka suna
Tu bohat roya.

Main ne Har pal har
Su tujhe Yad kia,
Jab Tujhe Apni Yad se
Gaafil paya tu bohat
Roya.

Ye zindagi
Ye Ronaqein
Ye ranjishein,
Jab in Sab me Tujhe
Tanha paya Tu bohat Read More…

Tanha hun tanhai k aalm me betha,

Shaam-e-Fursat Dhalay, Hum Nahi Chahatay,
Ghum Say Fursat Milay, Hum Nahi Chahatay…..

Phir Naya Waar Sehne Ko taiyyar Hain,
Tu Parayshan Rahay, Hum Nahi Chahate…..

Aaj Aansoo Bahanay say, Mut Roko,
Aaj Barish Thumay, Hum Nahi Chahatay…..

Hum Teray Baad Ujray Hon, To bhi Theek Hai,
Ab Kahin Dil Lagay, Hum Nahi Chahate….. .

Teray Pekar Ko Ham Dekhte Hi Rahein,
Tu Nazar Say Hatay, Ham Nahi Chahate…..

Kis Qadar Dil Nasheen Hai Ye Moujon Ka Shor,
Ghum Ka Dariya Ruke, Ham Nahi Chahate…..

Iss Qadar Piyar say Tu Pukara na Kar,
Aag Dil Ko Lagay, Hum Nahi Chahate….